Starf bifreiðasmiða felst í að gera við og rétta bíla eftir árekstra, skipta um íhluti og breyta yfirbyggingu bíla. Líkt og í öðrum bíliðngreinum er tæknin að breyta starfinu; nú er til dæmis oftar skipt um bílhluti í stað þess að gera við þá, notuð eru önnur efni í bíla en áður og öryggiskröfur hafa aukist mikið.
Sérgreinar sem þörf verður fyrir í auknum mæli í framtíðinni tengjast sennilega málmsuðutækni, plastviðgerðum, rafmagnsviðgerðum og tölvutækni.
Bifreiðasmíði er löggilt iðngrein.