Á framhaldsskólabrautum sem tengjast hönnun og nýsköpun er áhersla á hugmyndavinnu, frumkvöðlastarf, markaðsfræði og tengingu við atvinnulífið.

Mikið er um skapandi vinnu þó áherslur, sérhæfing og val kunni að vera mismunandi eftir skólum.

Námið getur verið góður undirbúningur fyrir frekara nám í hönnun, listum, hugvísindum eða jafnvel viðskiptatengdum greinum en alltaf er mikilvægt að skipuleggja námsframvindu til stúdentsprófs með hliðsjón af aðgangsviðmiðum háskóla.