Rafvélavirkjar vinna gjarnan í margs konar iðnfyrirtækjum við uppsetningu, viðhald og viðgerðir á rafbúnaði, til dæmis vélum sem framleiða raforku. Aðallega er unnið með vélbúnað; rafmótora, rafala, stýribúnað og tölvur.
Ljúka má stúdentsprófi samhliða námi á öllum rafiðnbrautum og getur slíkt nám reynst góður undirbúningur náms á háskólastigi í greinum á borð við rafiðnfræði, raftæknifræði, verkfræði, eða tölvunarfræði.
Rafvélavirkjun er lögvernduð iðngrein.