VERTU STÁLSLEGIN er kynningarátak sem allir iðn- og verkmenntaskólar, þar sem málmiðngreinar eru í boði, standa saman að. Markmiðið er að vekja athygli á þeim fjölbreyttu tækifærum sem nám í málmiðngreinum hefur upp á að bjóða. Hvort sem stefnan er sett á krefjandi háskólanám eða frama í atvinnulífinu, þá eru námsgreinar eins og stálsmíði, rennismíði og vélvirkjun, vandað nám sem gefur nemendum góða innsýn í heim málmiðnaðarins.
Ég er ekki bara að læra rennismíði. Ég er líka að læra stúdentinn af því mig langar að fara í háskóla þegar ég er búin að útskrifast. Ég ætla að læra orku- og véltæknifræði til að byrja með og svo ætla ég að færa mig yfir í verkfræði.