Lauk sveinsprófi í veggfóðrun og dúkalögn 2023
Lauk sveinsprófi í veggfóðrun og dúkalögn 2023
Ég byrjaði í grunnnámi bygginga – og mannvirkjagreina og leist bara strax svo vel á. Námið var skemmtilegt og gaman að vinna verkefnin. Þau krefjast vandvirkni og það var áhugavert að reyna sig við mismunandi viðfangsefni.
Það er kostur að vera ekki alltaf á sama stað heldur krefst vinnan þess að maður sé á mörgum stöðum og verkefnin eru að sama skapi afar fjölbreytt. Það er gaman að sjá afraksturinn að verki loknu, til dæmis þegar búið er að veggfóðra heilan vegg. Mér finnst þægilegt að vinna vinnuna mína og geta hlustað á podcast í leiðinni því það truflar ekkert það sem ég er að gera.
Áður en ég byrjaði í grunndeildinni vissi ég ekki mikið um þetta starf en þegar ég kynntist þessari iðngrein fannst mér hún mjög spennandi. Ég þekkti engan fyrir á þessum starfsvettvangi og leist bara vel á. Ég er mjög ánægð með þetta starfsval.
Það kom mér á óvart hvað það þarf mikið að pæla í heildarmyndinni áður en maður setur veggfóður á vegg eða leggur gólfefni.
Ég er að plana að fara aftur í skóla og klára stúdentinn og vinna kannski með við veggfóðrun og dúkalögn. Svo ætla ég að halda áfram í þessu starfi. Ég er ung og hef nýlokið sveinsprófinu og það er aldrei að vita hvað maður gerir í framtíðinni.